في ظاهره دخيله علينا منتشره هالايام بشكل فظيييييييييييييع .. والله مو مستوعبتها الى الحين ..
الشيشه ..
انا خبري ان الحريم اللي يشربون شيشه اهم الشاميات وبعض العيم .. ويكونون مو كويتيين .. من هالجاليات الي عايشه بينا .. واذا شفناهم بالمطاعم او بالكافيهات نطالعهم بنظرة استنكار لهالعاده .. يعني الواحد يتقبلها على الريال بس المره لا .. صراحه شكلها مقزز .. تنقلب ريال وهي تشيش ما فيها من الانوثه شعره على قولة زوجي ( حلجها كانه اقزوز سياره ) ..
لحد هني مو مشكله اجانب يشيشون كييييييفهم .. لكن الي معور قلبي ان بناتنا بنات الحمايل بنات الخليج خصوصا العربيات الي ما فيهم عرج ..
تشيش ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!
تشوفينها محترمه وشكلها اوكي وبنت عايله ما تتوقعين يطلع منها جذي .. ما اشوف الا الشيشه بايدها ؟؟؟ ليش ؟؟ من متى انتو تشيشون وعادي عندكم واشكره جدام الاوادم ؟!!!
من متى بنت الكويت الخليجيه السنعه بنت الحموله ما قامت تهتم باسمها وسمعتها وعايلتها وشكلها جدام الناس ؟؟؟
بنات الكويت شفيكم ؟؟ شالي قلب حالكم جذي ؟؟ من سيء الى اسوء ؟!!! ليش ؟؟!! شصاير ؟؟!!
واللي يعجب ويطير العيون .. بعضهم ريلها وياها !!
ونعم الزوج
بنات .. صحيح كلامي ولا غلط ؟؟
صراحه من الي اشوفه قمت اشك بالمباديء والقيم الي احنا نعرفها .. وين عاداتنا وتقاليدنا كخليجيات ، ليش انقرضت؟ ليش صارت البنت الشريفه العفيفه الي محافظة على روحها الحين مطنزة ؟!! والبنت المتحرره والمنفتحه اخر انفتاح وملسونه وقليلة ادب وتتشيحط باعلى صوتها بعلاقاتها مع الشباب وتمارس عادات دخيله وسيئه على مجتمعنا اهي الزينه واهي الكووووول ؟!!!!!
للاسف صار الحال سيء الله لا يبلانا ..على قولة حماة اختي ( وهي مدرسة بالمتوسطه ) قامو البنات يعيبون على بعض ويعايرون بعض تدرون بشنو ( يقولون ويييي انتي ليلحين فرجن ( يعني عذراء ) ) صارت الي فاقدة عذريتها اهي الكوووووووووول وااااااااااااااااااااااي ما صدق ما صدق هالحال الي وصلنا له ..
جد جد ابي اعرف شصاير بالدنيا .. شصاير لبنات الكويت بالذات .. شفيكم ينيتو يا بنات شفيكم ..
خافو الله يا بنات اولا وبعدين خافو على سمعتكم وصورة ديرتكم والله يعور قلبي هالي اشوفه واسمعه .. والله حرام سمعة الكويتيه صارت بالقاع اول نلوم الاعلام بتشويه سمعتنا من مسلسلات رمضان لكن الي اشوفه الحين تشويه من البنات نفسهم تصرف لا مسؤول منهم ومن منه من بنات كبار وفاهمين للاسف ..
لا حول ولا قوة الا بالله ..
اترك لكم المجال لابداء رأيكم او التعليق .. وتسلمون